Home » Topvrouw Mary Hsing, man drechi di ex Minister Benny Sevinger aresta awe mainta

Topvrouw Mary Hsing, man drechi di ex Minister Benny Sevinger aresta awe mainta

by Admin
0 comment 112 views

Vondellaan, Oranjestad: Diaranson den oranan hopi trempan di mainta por a mira basta movecion na oficina di Landsrecherche atrobe, esaki ta pa motibo cu nan a bolbe sali busca un otro sospechoso mas.

E biaha aki ta trata di e sospechoso señora Mary Hsing. E señora aki ta hopi yega na partido Avp y segun nos a compronde e lo tabata e man drechi di ex Minister di partido A.V.P. Sr. Benny Sevinger.

Hsing tabata e persona principal den oficina di Sevinger, e tabata su secretaria principal, tur cos cu mester a bay pa e ex Minister mester a pasa den man di Hsing prome. Vooral loke ta trata otorgamento di terenonan. Dus por bisa cu e señora aki sigur ta wordo considera un sospechoso cardinal den Caso Avestruz. Abogado Marchena ta compañando Hsing durante e interogacionnan.

Durante e dia di diaranson e lo bay pasa oranan largo den oficina na Landsrecherche situa na Vondellaan, unda e lo wordo interoga.

Tambe na mes momento cu Hsing tawata wordo interoga, por a mira un biaha mas yegada di Franklin Abath. Posibelmente ta mustra cu autoridad lo por ta poniendo e sospechosonan enfrenta otro. Diaranson ta mustra un dia hopi druk na oficina di Landsrecherche, drentamento y salimento cu envelopnan grandi na man.

Mas den oranan di atardi Sub Fiscal lo dicidi si e sospechoso ta wordo poni den libertad of su detencion lo wordo prolonga.

Locual a capta nos atencion ta cu cada biaha cu e transportwagen di C.E.A. busca of trece Sr. Abath, nan ta bin cu extra vigilancia. E motibo no ta conoci.

Pueblo completo ta den un expectativa pa e punto culminante mes, esta yega na curason di e operacion aki yama Avestruz, cu lo bira un di casonan di corupcion mas grandi den historia di Aruba.

 

0

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio