Vondellaan, Oranjestad:
Diaranson den oranan di mainta hopi trempan, Landsrecherche a detene Sra. Mary Hsing, kende lo ta un sospechoso mas den caso Avestruz.
Abogado Marchena, despues di uj dia largo di a asisti Mary Hsing
Mescos cu tur sospechoso, Señora Mary Hsing tambe tin derecho riba un abogado. Den careda di 8′ or y mey, abogado Marchena a presenta na Landsrecherche.
Abogado Marchena a compaña Hsing durante e interogacionnan. Tur cos ta mustra cu mester tabata un mainta cu un interogacion hopi intensivo. Den oranan di merdia, oficialnan a tuma un break y asina e abogado lo por a bay bin bek.
Despues di merdia abogado Marchena a bolbe bek y asina e interogacionnan lo a sigui, te den careda di 5’or di atardi.
Despues di e prome dia di un interogacion intensivo, Sra. Mary Hsing mester a presenta dilanti Sub Fscal y su detencion a keda prolonga y cu transportwagen di C.E.A. e la wordo transporta pa warda di polis, caminda e lo keda encarcela y lo wordo busca cada biaha e lo mester presenta na oficina di Landsrecherche pa mas interogacion.
