Home » En conexion cu Emergency Medical Services Week Aruba Bank ta reconose trahadornan di Ambulance pa nan trabou

En conexion cu Emergency Medical Services Week Aruba Bank ta reconose trahadornan di Ambulance pa nan trabou

by Admin
0 comment 60 views

Oranjestad – Durante full aña nos isla ta conta cu nos trahadornan di ambulance, cu ta duna tur di nan parti pa brinda un servicio di emergencia di calidad, na momento cu esaki ta necesario. Nan ta disponibel pa nos, 24 ora pa dia, tur dia di siman. Nan esfuerzo ta di admira. 

E siman di Emergency Medical Services Week, ta e siman di 16 – 22 di mei. E lema di e aña aki ta ‘Caring for Our Communities’. Esaki ta un siman di consientisacion y di reconose e trabou cu e trahadornan aki ta eherce, un trabou di admira, y cu sigur nan ta haci cu hopi amor.

 

E siman di Emergency Medical Services Week na Aruba, a cuminsa diadomingo cu un bunita santo sacificio di misa na Kapel di Alto Vista, caminda cu e trahadornan di Ambulance a presenta hunto cu nan famia pa ricibi un bendicion.

Awe, Aruba Bank a invita un grupo di trahadornan pa nan ricibi un ‘token of appreciation’, den forma di un gift voucher, cu lo wordo otorga na cada trahador di ambulance. Di e forma aki Aruba Bank kier gradici cada un trahador pa nan trabou, y alabes kier trece conscientisacion ariba e importancia di mantene nos mes safe, y juda otro na momento y di e forma cu nos por. 

 

Ariba e foto por mira momento cu representante di Aruba Bank ta haci entrega oficial di e gratitud aki na Sr. Liberato Hoek – Operations Manager Ambulancezorg di Imsan. 

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio