Home Police Polis mester a bay pa un turista cu lo tabata agrediendo trahado...

Polis mester a bay pa un turista cu lo tabata agrediendo trahado di un car rental.

SHARE

Aeropuerto Internacional Reina Beatrix: Diamars den careda di 10’or y mey di mainta, presencia di polis a wordo pidi cu urgencia na un oficina di un Car Rental dilanti Aeropuerto, pa motibo cu un turista hopi rabia lo tabata agrediendo un trahado di un compania di Car rental.

Mesora a manda polis na e sitio, pa casualidad tabata tin un patruya di K9 na Aeropuerto, e agente policial y hunto cu un agente policial di Grenspolitie, mesora a bay na e car rental pa asina intermedia den e problema cu tabata mustra di a escala.

Polisnan mesora a intermedia entre e turista rabia cu e trahado, nan a papia cu ambos partido y hopi lihe e turista a calma y despues cu e situacion a calma por completo, e agente di K9 a bandona e sitio.