Home » E avion di patrulla di Wardacosta ta detecta boto ku curpanan sin bida

E avion di patrulla di Wardacosta ta detecta boto ku curpanan sin bida

by Admin
0 comment 59 views

 

Durante di un patrulla di e avion Dash di Wardacosta e tripulacion a detecta un boto ta drif ariba  lama. Na momento ku a bai investiga a lanta sospecho ku tin un persona sin bida den e boto ku  tawata drif. Abase di e informacion ku e tripulacion di e avion Dash a manda pa e Centro di  Rescate y Coordinacion di Wardacosta a dirigi e cutter Panter di e punto di sosten na Aruba pa  bai na e localidat di e boto. 

Locual a hasi e busceda di e boto un reto ta e hecho cu e condiccion di lama y tempo tawata basta malo. E lama tawata brutu ku hopi biento y olanan halto. E Centro di Rescate y  Coordinacion a bolbe dirigi e avion di patrulla pa asisti e cutter Panter den e busceda di e boto.  Na yegada na e boto e tripulacion di Panter no a logra baha riba e boto pa motibo ku tempo  tawata hopi malo. Tambe e tripulacion a detecta diferente curpa sin bida cualnan tawata den  estado avansa di descomposicion. 

E cutter Panter a hasi diferente intento pa por logra tow e boto, pero esaki no a logra debi ku e  cabuya tawata kibra na caminda. E lama brutu y e tempo malo a pone ku un dado momento e  cabuya di tow a bolbe kibra y Panter a perde e boto den e scur di anochi, despues di esaki no a  logra detecta e boto mas. Wardacosta a saca un notificacion pa barconan riba laman tambe tin  un ‘sharp lookout’ pa e boto cual ta drif riba lama. Wardacosta conhunto ku autoridatnan di  Aruba y partnernan internacional a cuminsa un investigacion den e caso aki. 

==FIN==

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio