Pavia – Dialuna anochi den careda di 10’or polis a haya informacion cu un auto a dal contra cura di un cas, y esaki tawata ariba e caminda di Pavia cu ta bay pa Hooiberg.
Na prome instante no tawata sa si e persona cu ta un hende homber di edad ta herida of no.
Na yegada polis a topa cu un dama cu lo ta esun cu a mira kiko a pasa.
E dama a conta polis cu e la mira e Hyundai i10 color blauw hala na su man drechi den e bocht, causndo cu e auto a dal contra e ultimo pilar di e cas kibrando esaki.
Pariba di e cas tin un pida mondi eynan e chauffeur a para.
E lo a baha cana y cay herida su mes, e cabayero di edad no por a para ariba su pianan.
Debi cu e ta burachi polis a bay over na detene y a pidi transportwagen pa a hibe warda.
Polisnan mester a yuda subi tambe den e vehiculo debi cu e no tawata por a yuda su mes.
Polis di trafico a ser pidi y a presenta pa tuma dato.
E Hyundai i10 a sufri daño parti dilanti na e banda drechi.
