Bloemond: Dialuna den careda di 10’or y mey di anochi presencia di polis a wordo pidi riba e caminda di Bloemond pa Sero Lopez, pa un boksmento entre un sports car di marca Nissan, color berde y un Toyota color blau shinishi.
Na yegada polis a papia cu ambos chauffeur, un di nan lo mester a hala mucho na su banda contrario y a dal den e otro auto. E caminda unda e boksmento a tuma lugar, ta un caminda hopi smal. E Nissan berde tabata bayendo direccion zuid y e Toyota tabata bayendo direccion panort. E impacto na ambos auto tabata na banda na e tire di autonan, esaki a pone cu e autonan no por a core mas.
Polis di trafico a presenta na e sitio, pa haci mas investigacion y for di e investigacion aki lo mester sali na cla, cua di e autonan a hala mas na su man robes y a causa e boksmento aki.
