Koningstraat, Oranjestad: Diasabra den careda di 11’or y 15 di anochi, presencia di polis a wordo pidi na un adres den Koningstraat, pa un homber cu lo a dal abou den cura di un cas. Mesora a manda polis den Koningstraat.
Na yegada enberdad nan ta bin topa cu un homber di 40 aña, den un ligstoel den e cura di cas. Polis a papia cu ne, a puntre kiko e ta sinti. E la splica polis cu e ta un persona cu tin problema cu curason y e la bisanan tambe cu e tin hopi dolor den pecho.
Polis a ripara cu e cabayero aki lo a bebe alcohol, pero mirando cu e tin hopi dolor den pecho y tin problema cu curason, e polisnan na e sitio a pidi pa presencia di ambulance.
E cabayero su auto tabata para dilanti di e cas, un agente policial a bay busca e pertenencianan di e homber for di den su auto y a cera e auto na lock, mientras nan tabata wardando yegada di ambulance.