Willemstad
Djabièrnè 14 di mei 2021 alrededor di 21.30’or, Sentral di Polis a risibí notifikashon ku riba Kaminda Mitologia un aksidente di tráfiko a tuma lugá i ku tin personanan heridá. Na yegada di e unidat e la tuma nota di un aksidente entre dos vehíkulo di kual un di e víktimanan ta pegá den e vehíkulo. ñ
For di investigashon ku polis a hasi na e sitio a resultá ku un outo tabata kore riba Kaminda Mitologia direshon Sta. Catahrina, diripiente shofúr di e vehíkulo a kita bai riba su man robes i dal frontal den un vehíkulo ku tabata bini di direkshon kontrali.
Ambulans ku a presentá na e sitio a transportá un di e víktimanan pa departamentu di emergensia di C.M.C.. E otro víktima a fayesé na e sitio mes.
Dokter di polis a konstatá morto di e hòmber ñññ, nasé na Kòrsou 28 di yüni 1996.
Departamentu di Tráfiko ta kontinuá ku e investigashon.