Home Police Harley Davidson a dal contra Nissan March, motociclista a resulta herida

Harley Davidson a dal contra Nissan March, motociclista a resulta herida

SHARE

Palm Beach – Diasabra atardi algo prome cu 3’or polis a bay pariba di e crusada di Palm Beach, unda un brommer y auto lo a accidenta. 

Na yegada di polis nan a topa cu Nissan March color ros memey di caminda y un Harley Davidson.

Manehador di e brommer tawata keha di basta dolor na su brasa robes.

E motociclista a conta polis cu e tawata bayendo mesun direccion cu e March esta pa e crusada. Cos a bay robes momento cu e motociclista a bay cera brake. Aki e brommer a desvia y bay dal contra e March.

Por a mira cu e daño tanto na e March como na e Harley ta minumal. Pero e manehador si no a sali bon despues e accidente debi cu parse cu e lo por a fractura su brasa robes.

Ambulance y departamento di trafico a ser pidi. 

Na yegada di Paramediconan mesora nan a bay papia cu e motociclista cu despues a cana bay direccion e Ambulance.

Debi cu e brasa a haya golpi serio a opta pa hiba e manehador Hospital, unda lo mester bay saca Xray y mira e daño.

Polis di trafico a tuma tur dato y despues a bandona e sitio.