Pedro Gallegostraat – Diasabra marduga algun rato despues di mey anochi durante patruya un unidad di Playa a spot un Nissan Tiida color scur.
Esaki tawata altura di Ranchostraat.
Polis mirando cu tin Toque de Queda a bay pa stop e vehiculo y controle, pero manera e agentenan por a spera esaki no a cumpli cu stopteken.
Asina a cuminsa un persecusion den algun caya di Oranjestad, cu a bay termina na un adres den Pedro Gallegostraat.Â
Segun e chauffeur eynan ta su cas y por a mira e Nissan Tiida den e garashi di e cas staciona.
Na nos yegada polis tawata tin e chauffeur ariba caminda den boei y e chauffeur tawata herida. Pa e motibo aki polis a pidi ambulance tambe cu no a yega na e sitio.
Ta un poco onduidelijk con e chauffeur a wordo herida y tawata sangra kehando di dolor.
Por a scucha e chauffeur bisa polis “For di mi muhe mi ta bin”.
E la duna polis su nomber tambe estando ariba suela.
Despues di algun rato por a mira transportwagen yega y a tuma e detenido over unda nan a transporte pa warda di polis.
