Home Police Hoben herida despues di a accidenta cu brommer na Rooi Bosal

Hoben herida despues di a accidenta cu brommer na Rooi Bosal

SHARE

Rooi Bosal – Diahuebs atardi algo pasa di 6’or polis di Santa Cruz a bay un adres na Rooi Bosal, unda un brommer a accidenta. 

Na yegada polis a pidi pa W.E.B debi cu e brommer a dal contra cura di un cas y ranca e meter di awa causando cu masha hopi awa tawata bay perdi.

E hoben motociclista den e impacto a haya golpi na pecho y tawata keha di basta dolor na pecho.

Departamento di trafico a ser pidi debi cu e hoben no tin rijbewijs. 

Por a mira un brommer Suzuki den cura di e cas y algun familiar di e hoben tawata presente.

Un famia di e motociclista tawata bisa, ” ma bisabo pabo no bay core brommer awe”.

Polis di trafico y W.E.B a yega y por a mira cu mesora empleadonan a traha y stop e awa di bay perdi.

Paramediconan na nan yegada a bay atende cu e hoben y despues di algun minuut por a miranan ta hinke den ambulance kehando di basta dolor.

Agente di trafico despues di a tuma tur dato a bandona e sitio hunto cu W.E.B .

Ambulance mientrastanto a hiba e hoben Hospital y famia por a bay cu e brommer.