Home » Prome Minister Evelyn Wever-Croes Maneho testmento na airport pa residente: SI BO TA VACUNA, NO MESTER HASI TEST NA AIRPORT DI ARUBA MAS

Prome Minister Evelyn Wever-Croes Maneho testmento na airport pa residente: SI BO TA VACUNA, NO MESTER HASI TEST NA AIRPORT DI ARUBA MAS

by Admin
0 comment 88 views

Premier Evelyn Wever-Croes a anuncia cu entrante 1 di juni, si bo tin dos dosis di vacuna, bo no mester test mas na airport na Aruba ora di drenta Aruba bek. 

 

E maneho aki ta conta pa residentenan di Aruba cu por prueba cu e Health App cu tin dos dosis di vacuna tuma na Aruba. Ademas, e ultimo vacuna mester a wordo tuma 14 dia prome cu e dia di re entrada na Aruba. 

 

“Cu esaki nos ta spera cu mas hende bay vacuna pasobra ta mas atractivo ora di biaha. Nos ta na 57% di vacunacion di poblacion general, nos mester yega 85% pa nos por flexibilisa mas. Pues si bo no a vacuna ainda, probecha e dianan aki. Centro di vacunacion ta habri e dianan liber tambe,” Premier Evelyn Wever-Croes a duna di conoce. 

 

Kico otro paisnan of aerolineanan ta exigi, Gobierno di Aruba no por influencia. Chance ta grandi cu otro paisnan tambe ta bay flexibilisa e exigencianan di test na entrada di e pais. 

 

Hulanda lo cambia e codigo di Aruba di oranje pa geel entrante diasabra awor 15 mei. Y cu esaki varios exigencia pa biaha di Hulanda pa Aruba, ta cay afo tambe. 

 

“Tanten nos mantene e cantidad di casonan activo manera cu nan ta awor, nos por flexibilisa. Aruba ta conta cu bo”, Prome Minister Evelyn Wever-Croes a enfatisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio