Home » Top Hoofdofficier van Justitie Mr.Saskia de Vries tambe presente durante interogacionnan den caso Avestruz. Frank Abath treci bek

Top Hoofdofficier van Justitie Mr.Saskia de Vries tambe presente durante interogacionnan den caso Avestruz. Frank Abath treci bek

by Admin
0 comment 97 views

Oranjestad: Diaranson mainta, un mainta hopi druk na oficina di Landsrecherche, for di oranan trempan, autonan tabata yega staciona y por a mira varios autoridad local y tambe Hulandes, drenta na oficina di Landsrecherche.

Entre esnan cu tabata drenta na oficina di Landsrecherche, nos por a mira un dama Hulandes cu sigur a capta nos atencion, tabata trata di un señora hopi prominente di Husticia Hulandes.
E Hoofdofficier van Justitie nobo, Señora. Mr. Saskia de Vries.

Recientemente Señora mr. de Vries a keda nombra como fiscal mayor pa Aruba.

Señora Saskia de Vries (63 aña) ta bin di Ministerio Publico di Hulanda. El a traha como fiscal desde 1995 y a traha na varios parket na Hulanda. El a traha tambe na Curaçao. E tin hopi experiencia den guia investigacionnan grandi di tur tipo di criminalidad organiza, fraude y corupcion.

Señora De Vries a traha como consehero di Ministerio Publico na Sarajevo, capital di Bosnia y Herzegovina. Como consehero di ‘rule of law’, el a duna un aporte importante e ultimo añanan aki na e desaroyo di Ministerionan Publico den e parti west di Balkan.

E lo usa su conocimento y experiencia den e tres añanan venidero pa benificio di Ministerio Publico di Aruba.

Sra. de Vries mas sigur lo ta guiando e investigacion di e caso Avestruz, mirando su presencia algun biaha caba na oficina di Landsrecherche.

Diaranson den careda di 10′ or di mainta, transportwagen di CEA, a trece Sr. Franklin Abath na oficina di Landsrecherche, unda e lo topa cu e Top Hoofdofficer van Justitie aki. Abogado di Sr. Franklin Abath, Mr. Gregory Maldonado tambe a presenta na oficina di Landsrecherche pa asina asisti su cliente, durante e interogacionnan pisa cu lo tuma lugar awe diaranson.

Señora de Vries, su expertisio den combatimento di fraude, corupcion y crimen organiza, den su carera como Hoofdofficier van Justitie a sa di pone personanan corupto y cu a comete actonan criminal grandi, tras di tralie.

E la bin Aruba pa tres aña y no ta descarta e posibilidad cu e ta e persona indica cu lo bay tin e tarea di guia e otro investigacionnan grandi cu tin pendiente cu ta Caso Flamingo y R.D.A. cu ta un di e casonan mas grandi den historia di Aruba.

Cu Hoofdofficier van Justitie señora Mr. De Vries, Aruba a haya un top ambtenaar pa yuda combati corupcion, fraude y crimen organisa.

 

 

Yegada diaranson mainta na Landsrecherche di Hoofdofficier van Justitie Mr.Saskia de Vries

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio