Home Police Mama y yiu envolvi den accidente di Scooter

Mama y yiu envolvi den accidente di Scooter

SHARE

Nuña – Diamars mainta pa mas o menos 7:30 polis a ricibi informacion di un accidente na Nuña y cu lo tin hende herida.

Na yegada polis a topa cu un señora y un criatura, nan tawata ariba un Scooter.

Por a mira cu e Scooter a lastra ariba caminda. 

Segun version di e dama un cacho a sali for di panort y esaki a pone cu e la perde control y cay.

Tanto e adulto y e criatura a haya varios rasca na curpa.

Ambulance a wordo pidi y na su yegada Paramediconan mesora a bay atende cu e heridonan.