Establecimiento a wordo cera, trahadonan ningun tawata tin karchi berde

L.G.Smith Boulevard -Diabierna anochi den careda di 8’or pasa Task Force Bedrijven a eherce un control ariba un establecimiento di cuminda un poco mas pabou di Citgo Boulevard. E luga ta keda panort di caminda. 

Durante e control ariba e luga a resulta cu e personal cu ta esun cu mester atende cu cuminda etc etc, ningun tawata tin karchi berde. A duna e luga mesora ordo pa cera, despues cu caba di atende cu e hendenan cu ta paden e momento ey.

Algun rato mas laat e dienst a bolbe pasa tira bista, pa nan sorpresa e doño no a cera e luga y ariba dje e luga a yena cu mas hende.

No a keda e Task Force nada otro cu cera e luga y duna e propetario un boet.

E luga por habri diasabra, pero lo mester busca hendenan cu ta den poder di un karchi berde.