Vondellaan – Diahuebs den oranan di mainta famia di un di e sospechosonan esta di Sr. Susebeek tawata pendiente pa transportwagen di CEA yega. Na su yegada famianan a dune un moral support door di ta presente, sigur den e momentonan fastioso aki.
Prome transportwagen cu a yega tawata Sr. Abath, mientras algun rato prome su abogado Sr. Maldonada a yega pa asisti’e durante e interogacionnan pisa cu lo cuminsa atrobe.
Algun minuut despues por a mira e auto di Sr.Kock a yega cu ta e defensa di Susebeek.
Pues un dia prome cu entregamento di lista, e dos personanan aki cu ta hopi cerca di partido AVP ta pasando den interogacionnan pisa di mainta te den oranan di atardi.
Un caso cu haya nomber y bida den september 2019, unda cu haci un cantidad di entradanan hudicial confiscando masha hopi computers/cellularnan, for di diferente casnan y tambe negoshinan.
Fuera di e cosnan ey, un monton di documentonan tambe a wordo confisca, despues di a pasa hopi tempo y studia tur e documentonan/aparatonan a cuminsa cu un racha di detencion.
Desde 11 april ultimo Landsrecherche a haci un total di shete detencion den cuadro di e investigacion di delitonan di corupcion posiblemente cometi y otro hechonan castigable relaciona cu otorgamento di terenonan di gobierno entre 2009 y 2017. Actualmente tin tres sospechoso ta deteni ainda.
Awe of mayan Hues Comisario lo meste tuma e desicion si ta prolonga detencion di Sr. Abath y si ta asina e lo wordo traslada pa K.I.A. of ta laga e sospechoso den libertad pendiente pa mas interogacion y ora e caso Avestruz bin dilanti y e mester presenta den Corte.
