Oranjestad: Diaranson prome cu 7’or di mainta, Landsrecherche a busca un otro persona referente e caso Avestruz.
E biaha den e caso Avestruz aki a toca turno na Sr. Pieter Susebeek y esaki despues di un investigacion, tambe a keda deteni y hiba na oficina di Landsrecherche.
For oranan trempan di mainta, su abogado Mr. David Kock a presenta na oficina di Landsrecherche y durante e prome dia di interogacion su abogado a compañ’e henter dia. Su detencion a keda prolonga.
Den careda di 5’or y mey di atardi e abogado Kock a sali for di e oficina di Landsrecherche y un rato despues e transportwagen di C.E.A. a bin busca Pieter Susebeek y hibe Warda di Polis.
Pieter Susebeek tambe ta un sospechoso den caso Avestruz, su jornada di interogacion a cuminsa. E lo wordo interoga pa oranan largo y durante e interogacionnan e recherchenan lo presente cu pruebanan den e caso Avestruz.