Home Lifestyle 04 di mei 2021, dia mundial di Asma, e tema di...

04 di mei 2021, dia mundial di Asma, e tema di World Asthma Day “Descubriendo e conceptonan eroneo di Asma”

SHARE

Dia mundial di asma tur aña ta wordo celebra riba e prome diamars di luna di mei, awe diamars 04 di mei 2021 ta Dia Mundial di Asma.

Segun W.H.O. mas di 300 miyon persona na mundo ta sufri di Asma, e ta un malesa cronico, di via respiratorio te na Pulmon,  NO tin cura conoci pa Asma, pero e miho tratamento ta, pa controle, por medio di bishitanan frecuente na dokter, tumando remedinan pa controla e Asma y evita accionnan cu por trigger atak’e di Asma.

 E prome Dia Mundial di Asma, a wordo celebra na 1998, na e prome celebracion a participa mas cu 35 pais. E paisnan aki conhuntamente a tene e prome Reunion Mundial tocante Asma, esaki a tuma luga na Barcelona Spaña.

Dia Mundial di Asma, tur aña a sigui crece y actualmente tin  hopi mas pais cu ta celebra e dia aki. Dia Mundial di Asma, a bira un dia cu e paisnan aki ta tene eventonan, reunion etc. pa educa y concientisa tocante Asma.

Dia Mundial di Asma 2021, a wordo gesponsor pa Global Initiative for Asthma (GINA), e aña aki e meta ta pa concientisa mundo riba e problemanan cu Asma ta trece cu ne, especialmente pa esnan cu ta sufri di dje y tambe e posibilidadnan pa tene esaki bou control y asina por hiba un bida mas saludabel, sin limitacion.

Desde 2008 te actualmente, el lema di e dia aki tabata “bo por controla bo Asma”(Puedes Controlar tu Asma/ You can control your asthma) esaki ta pa trata na stimula e pashentnan di Asma, pa tuma parti activo den control di nan enfermedad.

E tema di Dia Mundial di Asma di e aña aki ta “Descubriendo conceptonan eroneo di Asma” E tema ta pa haci un llamada na tur persona cu ta sufri di Asma, pa no bay tras di pensamentonan robes y informacionnan, mitonan eroneo tocante Asma. Esaki ta stroba personan cu Asma goza di e beneficionan y di e avansenan principal riba tereno medico relaciona cu Asma.

Algun concepto y pensamento robes:
Cu Asma ta un malesa cu mucha so ta haya, cu ora un Asma pashent crece e lo kita

Asma por wordo transmeti di un persona pa otro

Cu pashentnan di Asma no por haci ehercicio

Asma solamente por wordo controla cu dosis halto di steriods

E berdad ta:
Asma por afecta un persona na cualke edad (mucha, adolescente, adulto y anciano)

Asma no ta pega, sinembargo infecionnan respiratorio viral          (manera griep, y verkoud) por causa ataca di Asma. Bou di muchanan hopi biaha Asma ta wordo asocia cu alergia, pero e asma cu cuminsa na edad adulto hopi biaha ta resulta di no ta alergia, pero Asma.

Ora cu e Asma ta bon bou control, personanan cu ta sufri di Asma ta capas di haci ehercisio, incluso haci deportenan mas extremo.

Asma den mayoria si caso ta controlabel cu inhalernan di steriods pero cu dosisnan abou.