Palm Beach – Diadomingo anochi pasa di 8’or informacion a drenta di un problema na un cas situa na Palm Beach.
Un pelea cu lo tawata tin palo envolvi, esey segun e prome informenan.
Na yegada polisnan a wordo informa door di algun persona cu e problema lo ta ex Difference, y cu ey nan a scucha tiro. Un hende homber largo aparentemente lo tawata esun cu tawata cu un arma di candela.
Segun informacion e homber aki lo a core bay direccion ex Sasakiweg.
Parti patras di e luga eynan por a scucha papiamento duro, y despues polis a bay over na detene 3 persona. Dos hende homber y un hende muhe.
A pidi refuerso di mas patruya momento cu a e situacion a escala.
Tambe a pidi pa transportwagen unda a hiba e dos hombernan warda y e muhe a bay den auto di polis.
Locual polisnan por a saca afo ta cu e problema na ex difference lo tin di haci cu un problema de oranan di atardi altura di Bleu Residence, e momento ey polisnan no a topa cu e hendenan.