Mike Eman y AVP ta pensa cu tur hende ta mescos cu nan. Mike Eman ta pensa cu tur hende ta pensa pa haci fraude y tambe corupcion den e pais aki. Y sigur ta di lamenta con Mike Eman den su desesperacion pa e sla cu e y su partido AVP lo haya, ta ataca hendenan cu a bin ta traha cu alma y cuerpo pa Aruba y ta hendenan cu ta garantisa un eleccion liber di cualkier fraude. Mas tristo ta cu ora bo spera un profesor ta coregi sr Mike Eman y ta distancia su mes di tur corupcion, e profesor ta opta pa purba manipula un pueblo.
Ley di kiesverordening tin votacion electronico reglamenta
Nos por a scucha hopi papiamento purbando pa manipula mente pero e esencia mes di e discusion no a ser treci dilanti. Votacion ta keda na e manera cu nos a bin ta haci desde Status Aparte unda cu pueblo ta deposita e voto riba un stembiljet y ora caba ta pasa un machine cu lo scan esaki y despues e votador lo deposita e den e bari custumbra. Na final di anochi pueblo lo haya un resultado preliminar hopi liher debi na e scan, mientras ta haci e conteo tradicional y unda por controla si e machine a haci e scanning bon y unda si tin eror lo coregi esaki. Y awo e unico problema ta cu ley di kiesverordening ta duna e opcion pa haci uso di un machin electronico pa vota, si e scanner electronico aki por ser interpreta como un machin di votacion. Si esaki ta e caso e ora e ta ser cubri pa e ley existente. Pero e esencia di votacion ta keda mescos pues cu e stembiljet ta esun cu ta conta y unda e conteo lo ser haci manual manera a bin ta haci desde Status Aparte.
Mike Eman simbolo di fraude y corupcion
Mike Eman ta kere cu tur hende ta mescos cu su persona unda cu su persona como lider di AVP y lider di Gabinete Mike Eman 1 y 2 a permiti tur tipo di corupcion y fraude. Nos a conoce caso IBIS unda ex Minister Paul Croes a ser sentencia pa fraude, labamento di placa y corupcion. Actualmente su ex Minister Benny Sevinger ta sospechoso principal den caso Avestruz unda cu un biaha mas ta papia di fraude, corupcion y labamento di placa. Sin lubida e abuso cometi den RDA pa ex Ministernan Mike de Meza y ex Minister Richard Arends cu pronto lo conoce nan destino hudicial. Pues un gobernacion di fraude y corupcion y awo kier tilda tur hende pa ta corupto y fraudulento.
Mi ta kere a yega ora pa pueblo libra su mes di una bes por todo di Mike Eman y AVP. Danki na un pueblo balente caba na 2017 cu a core cu Mike Eman unda por a saca afo e casonan di RDA y sigur e caso Avestruz y IBIS paso sino awendia corupcion lo a sigui y Aruba lo tabata pio cu nunca. Pues pueblo sali 25 di juni sin compacion y castiga Mike Eman y AVP pa nan abuso cu placa di pueblo y sigur awo ta kere cu pueblo tambe ta mesun corupto cu nan. Mike Eman y AVP nunca mas.