Home Police Hit and run y Nissan March destrui den Ranchostraat

Hit and run y Nissan March destrui den Ranchostraat

SHARE

Ranchostraat – Diabierna anochi den careda di 10:30 durante cu polisnan tawata atende e accidente na e complehonan di cas na Bushiri, informacion a drenta di un accidente entre auto cu scooter.

Mesora tur esnan na Bushiri mirando cu nan tawata cabando a sali direccion  Ranchostraat.

Na yegadq no a topa cu ningun motociclista herida.

Loke si nan a bin haya na final di e caya ta un Nissan March cu su glasnan di completamente destrui, no door di accidente pero haci door di un of mas persona.

Chauffeur di e vehiculo no tawata presente ora polis a yega, algun minuut despues un hoben bou influencia a presenta.  E ta laga sa cu e ta chauffeur di e March y cu e no tin rijbewijs. 

E la splica mas o menos un storia y mirando cu e ta burachi y tampoco tin rijbewijs a bisa cu lo detene.

Pero, e otro partido cu segun e chauffeur di e March ta esun cu lo a kibra su glasnan a sconde e Scooter den e cas conoci pa polis eymes na e e skina. E lo a lock e porta tambe, unda cu polis a mira e Scooter paden y no por a yega na dje.

E Scooter lo a dal un auto pariba den e caya y sigui bay. No ta conoci si e Nissan March tawata coriendo tras di e Scooter. Nos ta bisa esaki door cu chauffeur di e Nissan March tawata bisa cu e tin problema cu x persona eybanda.

Na final polis a pidi transportwagen y a logra saca e Scooter tambe, ubda cu a hiba ambos warda di Balashi.

Chauffeur di e March a bay warda di polis den transportwagen.