Relaciona cu dia di Obrero 1 di mei, localidadnan di vacunacion lo ta sera diasabra.

ORANJESTAD, 30 april 2021- Majan, diasabra 1 di mei, ta dia di Obrero y pa cu e dia aki tur dos centro di vacunacion lo ta sera. Ta referi aki na Centro Libertador Betico Croes na santa cruz y Teresita Center na san nicolaas.
Diadomingo ta un dia cu normalmente e centronan ta sera y lo ta sera tambe e weekend aki. Entrante dialuna e centronan di vacunacion lo ta habri atrobe pa ricibi comunidad pa vacuna sea pa e prome vacuna of di dos.
Pa ricibi e prome vacuna tur persona di 18 aña of mas por cana yega wordo registra y vacuna mes ora. Pa ricibi e di dos vacuna e persona por bin riba dia di su cita of e por bin na momento cu 3 siman pasa despues di su prome vacuna. Pa por bin na remarke pa ricibi e vacuna e persona mester tin minimo 18 aña y un carchi di AZV. Si e persona no tin AZV pero ta biba, traha of studia na Aruba pa mas cu 6 luna e por presenta cu un prueba di su estadia na Aruba y e lo wordo vacuna. Un prueba lo por ta tramite di permiso, contract di huur y/of paspoort.