Oranjestad, Aruba – Radisson Blu Aruba a habri su portanan recientemente, asina convertiendo nan mes den e hotel di mas nobo situa na Palm Beach. Algun siman despues di un apertura exitoso, gerencia di Radisson Blu Aruba ta reconoce Leyonardho Lopez cu e un “Life Saving Blu Award”.
Leyonardho Lopez ta traha como Pool Attendant na Radisson Blu Aruba y ta eherce su trabou cu hopi passion. Durante estadia di un famia, a presenta un situacion cu un mucha den pool, unda cu Leyonardho a drenta den accion mesora pa asina rescata e mucha.
E reconocemento a wordo presenta pa Sr. Luigi Wix, General Manager y Srta. Jouraine Vrolijk, Directora di Human Resources. “Nos ta sumamente orguyoso di e reaccion di Leyonardho, cu tawatin solamente algun dia den su funcion pero cu a sa di actua rapidamente pa asina salba bida di un mucha”, Luigi Wix, Gerente General ta bisa.
Radisson Blu Aruba ta situa na J.E. Irausquin Boulevard 97-A, cerca di Palm Beach Plaza y Paseo Herencia, y ta conta cu 133 kamber espacioso y moderno. Durante estadia por disfruta di e tremendo facilidadnan cu e hotel ta ofrece entre nan e infinity pool di mas grandi na Aruba. Adicionalmente, tur bishitante local ta ricibi 20% di descuento ariba tur Food & Beverage na Acqua Breeze Pool Bar y Sunset Bistro, situa na e rooftop di e hotel, cu bista nan panoramico. Pa haci reservacion por tuma contacto cu nos departamento di Reservacion na 526 5013 of por manda un email na [email protected] y cu gusto un di nos representantenan lo asisti cu tur pregunta.
Pa demas informacion y desaroyo encuanto Radisson Blu Aruba nos ta invita e pueblo di Aruba pa sigi nos plataformanan riba social media: Radisson Blu Aruba.