Otro UTV a bolter, lagando pareha turista herida

West Punt – Diahuebs atardi den careda di 4’or polis y despues ambulance a sali pa un area conoci pa accidentenan di sea quadracers y/of utv’s.

Informacion a drenta cu un utv a bolter, pero esnan envolvi cu ta turista no sa unda nan ta.

Poco poco nan lo a guia via telefoon mas o menos loke nan ta mira y asina polis a bin localisa nan.

Tawata patras di e tereno di Tierra del Sol, un area cu basta buraco y algun ta poco hundo.

Tambe por a mira un cero di tera traha, kizas pa bula cu Dirt bike.

Na yegada polis a haya un pareha, ambos herida unda un tawata sangra na cabes y e otro a haya basta rasca.

Nan no a splica exactamente kiko nan a haci cu nan accidenta. Den e otro casonan nan a yega di conta Arubanative.com cu nan tawata “playing” cu e machine.

Posiblemente esey lo tawata e caso un biaha mas. 

Un tereno grandi habri, y bo ta cu vakantie ta pone nan haci cosnan cu nan no mester haci. 

Turistanan ta pensa cu e tereno lo ta plat, pero esey no ta e caso y ta hayanan cu sorpresa desagradabel momento cu e machine dal of cay den un hol pa despues bolter.

Dos ambulance a presenta na e sitio pa transporta ambos persona pa Hospital. 

Asina nos por mira cu no ta pasa un siman sin cu tin accidente sea di quadracer of utv.