Home » Cantidad grandi di polis a drenta cas na Pindastraat, un hoben a wordo poni den boei

Cantidad grandi di polis a drenta cas na Pindastraat, un hoben a wordo poni den boei

by Admin
0 comment 76 views

Pindastraat – Diaranson anochi den careda di 9’or un cantidad di polis a drenta un cas na Pindastraat, tur esaki despues di tawata buscando un stationwagon color shinishi.

For di algun ora mas trempan tawata tin un problema den Dakota, unda cu polis a papia cu algun di e hobennan envolvi, e momento ey ningun hende a wordo deteni.

Pero mas anochi, polis a haya un informacion cu di e hobennan conoci pa polis lo ta den un stationwagon color shinishi.

Esey no ta tur, a ser bisa cu e hoben conoci ey tin un arma di candela cu ne.

Esaki tawata motibo cu masha hopi polis a drenta cas ora cu nan a topa cu e stationwagon para den Pindastraat. E hoben cu tawata wordo busca tawata den un cas cu ta conoci pa e autoridad.

Ey nan por a scucha papiamento duro di tanto e habitantenan y di e polisnan, cu a sali cu un hoben pone memey caminda pa por a boei e.

Durante di e detencion tension a escala, gritamento y un cantidad grandi palabra sushi entre algun persona eynan mes.

Polisnan mesora a pidi pa transportwagen mientras polisnan a puntra e doño pa habri e Toyota stationwagon.

Polisnan a rista den cura di e cas, pero tampoco a haya nada particular. Na final nan a papia cu e conoci di nan Calbas y a splike ariba e consecuencianan si problemanan continua.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio