Avenida Nelson O.Oduber – Diamars anochi den careda di 8’or informacion a drenta di un accidente serio poco panort di e rotonde di Super Food parti pabou di caminda.
Na yegada di polis mirando con e vehiculo a keda y e chauffeur pega den auto a pone cu a pidi unidadnan di rescate cu urgencia.
E vehiculo un Chevrolet Spark bayendo cu velocidad halto pazuid a baha caminda na su man drechi, rancando un palo di luz completamente.
Debi na e impacto fuerte a causa cu a bira dificil pa por a saca e chauffeur cu segun polis tawata basta serio.
Brandweer na su yegada a dura basta minuut pa por a saca e victima.
Momento cu a saca e chauffeur Paramediconan a tume over y a hibe mesora den ambulance, unda cu despues di algun minuut a sali direccion Hospital.
Na e sitio nos por a compronde cu e chauffeur muy probablemente tawata maneha su auto bou influencia.
