Home » Hoben(16) rabia memey caminda cu baranca den man

Hoben(16) rabia memey caminda cu baranca den man

by Admin
0 comment 66 views

Wayaca – Dialuna anochi algo pasa di 8:30 informacion a drenta cu lo tin un hoben memey caminda na Wayaca, den su man e tawata tin un baranca.

Na nos yegada por a mira cu berdad tin un mucha homber(16) canando den cirkel net memey di caminda.

E tawata haci un zonido manera di ta hopi rabia, un tono constantemente. 

Den algun minuut a presenta dos patruya, un banda panort y e otro banda pazuid. 

Agentenan a baha y a bay direccion di hoben, bisando e pa benta e baranca abou.

Dado momento e hoben a core bay direccion di un cura di cas y a bula esaki bay patras. E baranca e la lage cay.

Agentenan a bay patras pero a ripara cu e mucha homber posiblemente lo a bula otro cura bay.

Na e sitio tawata tin algun famia, cu claramente tawata mustra preocupa.

Algun rato mas despues polis lo a localisa e hoben y a papia cu ne.

Na prome instante esnan cu a mire a pensa cu e lo por tawata bou influencia di algo, pero a resulta cu esey no tawata e caso.

Segun famia algo lo pasa algun rato prome cu a pone rabia y bira asina, pues e no tawata bou influencia di nada.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio