SJ23 (Shawn-Joshua Todd) su soño ta pa saca un album cu musica Urban. E in 11 aña y awo a dal e prome stap pa realisa su soño.
E ta uza e nomber artistico di SJ23, yiu di un integrante di e conocido banda Punky Donch y nieto di e conocido papiamentista Ramon Todd Dandaré. Su cancion ta hiba como titulo ‘Wakker’, e ta un cancion cu un mensahe sumamente positivo. Ayera e videoclip oficial a sali pa e cantica aki.
Manera por lesa den e informacion riba youtube:
Wakker ta e debut single di un di e rappernan mas hoben na Hulanda. Como cu el a lanta den un ambiente musical, caminda tur dos mayor ta musico, no ta un sorpresa cu e tambe a aspira pa cuminsa un carera musical. Aña pasa el a expresa cu e kier bira rapper, y el a drenta studio hunto cu su producer Zuri Nativa, pa cuminsa cu e proyecto. Wakker ta e resultado di esaki. Den futuro e kier traha riba un EP. Un fecha exacto pa saca esaki no tin ainda, pero e lo ta den e prome trimester di 2022. Scol ta na prome luga aworaki.
Su mensahe ta: Traha duro pa logra bo metanan, keda pusha. Aruba, mi stima bo!
Semper ta bunita pa mira hobennan descendiente di Aruba den exterior cosecha exito cu algo. Ta posibel pa pone e storia aki riba boso pagina of facebook? Mi a pone e youtube link na final di e mensaje aki.