49
Oranjestad – Diabierna anochi den careda di 7:45 polis a bay crusada conoci pa accidente na Solito, esta altura di stadion di RCA.
Informacion a drenta di un accidente fuerte eynan.
Na yegada di polis nan no tawata mira nada particular.
A bin resulta cu e accidente no a sosode ariba e crusada di Kamerlingh Onnesstraat cu Hubadastraat, pero un poco mas pariba direccion Sero Blanco.
Panort di caminda polis a bin topa cu un Nissan Skyline cu tawata pega contra un cura di cas.
Habitantenan lo a scucha un zonido duro prome y a pena kizas lo tawata ariba e crusa.
Despues di e accidente chauffeur di e Nissan lo a bandona e sitio, lagando e auto atras.
Polisnan a tuma nota y a solicita pa un takelwagen pa bay cu e auto Balashi.