Calbas – Diahuebs anochi algo prome cu 8:30 alarma a wordo bati pa un explosion na un cas situa na Calbas Plaza Residence, esaki ta casnan di Aruba den e bocht cu ta bay pa Kudawecha.
Mesora brandweer, ambulance y polis a sali direccion e cas.
Na yegada di polis brandweer y tambe ambulance tawata ya tawata na e sitio. Polis na su yegada a wordo informa cu un dama a bay cende un forma, y esaki a explota.
Pues segun informacion lo tawata trata di un leak di gas debi cu esaki tawata hole.
Durante e explosion e dama cu a cende e forna a haya kima na su pia y un señora a haya golpi na cabes ora cu algo a bula dal e.
E cas a sufri hopi daño door di e explosion.
Bomberonan a keda algun rato na e cas pa mira si no tin mas peliger di gas.
Ambos dama a wordo transporta pa Hospital unda nan lo mester haya mas tratamento.
Slachtofferhulp a wordo poni na altura pa nan bay Hospital.
Algun aña atras un cas na entrada di Calbas Residence tawata tin un explosion di gas den marduga.
Un cabayero a resulta seriamente herida y a fayece algun dia despues door di e heridanan serio ricibi.
