Home » AHATA ta honra ‘Earth Day’ cu un guia ‘Environmental Best Practices’ pa su miembronan

AHATA ta honra ‘Earth Day’ cu un guia ‘Environmental Best Practices’ pa su miembronan

by Admin
0 comment 57 views

 

 

ORANJESTAD, Aruba- Pa conmemora ‘Earth Day’ AHATA ta distribui su guia di ‘Environmental Best Practices’ pa nan 123 companianan miembro, cu e meta pa motiva mas compania pa implementa practica di sosteniblidad. 

Charcoal and White Minimalist UI Climate Change Sustainability Informational Multipage Instagram Post

Como un isla chikito den desaroyo, Aruba ta altamente vulnerabel na aumento di nivel di lama a causa di e fenomeno conoci como ‘Global Warming’ of cambio di clima. AHATA su comision di medio ambiente a compone un guia di miho practica basico pa medio ambiente. E documento ta enfatisa e importancia di integracion di practicanan pa proteccion di nos medio ambiente y pa un comunidad mas sostenibel. E guia ta ofrece diferente recomendacion basico riba conservacion di electricidad, reduccion di consumo di awa, maneho di desperdicio, participacion di comunidad, y respet pa nos naturalesa. E practica por wordo introduci den negoshi di cualkier tamaño. 

 

AHATA su comision di medio ambiente a wordo funda door di Aruba su pionero di sosteniblidad, Ewald Biemans, aproximadamente binti aña pasa. E comision ta consisti di boluntario di companianan miembro, sector priva, y fundacionnan. Nan meta ta pa crea interes pa e 4 R-nan: Reduci, Reusa, Recicla y Reutilisa den e sector comercial, gobierno, y publico en general. Un gradicimiento special ta bai pa Vanessa Rasmussen, presidente di e comison y Bucuti & Tara Beach Resort su Sustainability Manager, Nathaly Stanley pa lidera e produccion di e ‘Environmental Best Practices’.

 

AHATA tin speransa cu su miembronan ta tuma iniciativa pa bira embahador ambiental den nos comunidad door di implementa practicanan sostenibel y conhuntamente combati e menasa iminente di cambio climatologico.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio