Home » TA TUMA ACCION PA PROTEHA ATLETANAN Y ORGANISADORNAN PA HASI E EVENTO DI TRAIL RUN SIGUR PA TUR.

TA TUMA ACCION PA PROTEHA ATLETANAN Y ORGANISADORNAN PA HASI E EVENTO DI TRAIL RUN SIGUR PA TUR.

by Admin
0 comment 54 views

 

Den weekend cu a pasa 68 atleta, hunto cu e organisadornan y nan asistentenan a participa den e Trail Run cu a tuma lugar den Parke Nacional Arikok.

E Ministerio di Boluntario di Freewinds a wordo pidi pa asistina e evento pa yuda desinfecta y pa implementa e protocol nan di DVG pa e atletanan por concentra riba e careda, y e organisadornan y asistentenan por hasi nan trabou sin tin preocupación pa Covid-19.

Ora un atleta ta competi e por no tin distracción of preocupación cu si e por contrae Covid-19 di un colega atleta of di e equipo di sostén.

Concentrando riba e careda ta loke ta importante.

Mescos ta conta pa esnan para na banda c uta asistiendo e atletanan.

E Trail Run den Parke Nacional Arikok tawata un competencia amistoso y pa e atleta saca lo mihor cu e tin como individual of como miembro di un equipo.

Tur hende presente tawata conciente seguridad di tur hende envolvi tin e proridad di mas halto. Pesey e presidente di Stichting The Ultimate Challenge, cu a organisa e evento di Trail Run, a pidi e Ministerio di Boluntario di Freewinds , kendenan ta conocí pa nan sabiduría riba protocol y prevención, pa asisti nan pa asina tur hende por participa na e evento den tur trakilidad.

Srta. Susan Lora, cu ta encarga cu e Ministerio di Boluntario, tawata hopi contento di patrosina e careda dor di duna e servicio aki. Esaki ta netamente e meta principal di su equipo, pa hasi di Aruba e lugar mas sigur na mundo.

Den e sesionanan informativo prome cu e careda , e Ministerio di Boluntario di Freewinds a avisa e atletanan di e protocolnan cu tur hende mester mantene nan mes na dje, pa nan tin seguridad cu no tin posibilidad di contagio di Covid-19.

Nan a cubri loke mester wordo hasi prome, durante y después di e careda.

E participantenan a aprecia esaki masha.

E Ministerio di Boluntario tawata presente, desde e preparación pa e pre-careda te na final ora e ganadornan a wordo anuncia, pa desinfecta e areanan usa pa esnan presente y a percura pa tur hende sigi e protocolnan di Covid-19, estrictamente. Esaki a trece cune cu tur hende a sinti nan mes trankil cu e seguridad cu e presencia di e Ministerio di Boluntario a laga nan sinti.

E organisadornan di e evento “Trail Run” a aprecia e servicio duna dor di e Ministerio di Boluntario y a bisa:” E hecho cu boso t atey a hasi un diferencia grandi.E manera cu boso a enforsa e protocolnan tawata hopi bon.Boso a keda cordial pero firme y nos ta aprecia esey.”Nos tas pera cu boso por yuda nos den futuro.”

Un di e voluntario a comenta:” Ta bon cu boso tawata tey pa cu e cumplimento di e protocol, pasobra di verdad no tur hende sa kiko pa hasi.”

Sr. Rudolf Simon tawata hopi contento con e evento di Trail Run a bai, specialmente pasobra ta prome biaha den dies aña esaki a tuma lugar.

Ela bisa lo siguiente di e asistencia cu e Ministerio di Boluntario di Freewinds a duna prome y durante e careda:” Mas importante pa nos ta e sigurtiidad y salud di tur esnan cu ta participa.Freewinds tin masha bon nomber den nos comunidad y pesey mi a pida nan yuda nos pa cu cumplimento di e protocol di Covid-19 durante e careda aki.  Nos ta spera cu nos por conta c unan ayuda na nos evento den Mei próximo.

Pa asistencia di e Ministerio di Boluntario di Freewinds pa desinfecta bo lugar, of pa ricibi un seminario di prevención of un training  con pa desinfecta bo lugar di trabou of bo cas, por favor contact [email protected] of na signal +1-727-8104 of na cel 297 747-1613.

Pa haya información con bo por proteha bo mes y otronan,con bo por mantene bo cas y bo lugar di trabou sigur bishita e How to Stay Well Resource Center online na www.scientology.org/staywel na undo bo ta waak tur e pamfletanan y video y por download nan gratuitamente. Tur e material aki ta obtenibel na spaño, hulandes e ingles y 18 idioma mas.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio