Tanki Leendert – Diaranson anochi algo prome cu 9’or informacion a drenta di un caso di tiramento den e flatnan nobo situa na Tanki Leendert.
Un habitante lo a scucha algun tiro.
Na yegada na dicho adres nan ta wordo informa di loke nan a mira y scucha. Segun informacion a scucha tres tiro.
Pero, no por bisa unda exactamente e tironan a cay.
Testigonan a mira varios hende core.
Polisnan a wordo bisa cu nan a mira un hende homber tawata core rond cu sanger na cabes y tras di dje un otro homber cu arma di candela y a los un of mas tiro den su direccion.
Un auto cu polisnan tawata buscando tawata un Kia Rio color no sa exactamente, a papia di varios color pero no por confirma.
E persona cu e sanger na cabes(cu kap) a core bay di e sitio y aunke polisnan a bisa rond no por a haya esaki. A para un auto Kia Rio, pero e no tawata tin nada di haci cu e caso.
Y asina polisnan a keda busca, mientras BFTO(departamento tecnico di polis) a yega na e sitio pa saca algun potret.
Via Hospital a compronde cu ningun hende lo a yega herida y si e la yega mes debi na protocolnan estricto di Hospital nan lo no bisa polis.
Algun rato despues na Tanki Flip aparentemente tambe habitantenan lo a scucha un of mas tiro y lo a mira hende core, no por confirma si por ta trata di e mesun personanan di e caso na Tanki Leendert.
Autoridad tin atencion pa e caso aki.
