Dos persona mas deteni, relaciona cu e asesinato ariba 15 di januari 2021

—Cuerpo Policial ta informa—

Recherche di San Nicolas (DAR3) a detene 2 persona mas pa asesinato.

Enconexion cu e caso di asesinato cu a tuma lugar dia 15 di januari 2021 Recherche di San Nicolas (DAR3) a detene 2 hende homber mas respectivamente di inicialnan Y.L.F. na un cas den Prinsenstraat y J.J.W. na un cas den Caya Sint Lucia.
Mester bisa cu e personanan deteni ta wordo considera sumamente peligroso y ta pesey a hasi uso di e team di aresto.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.