Home » Recordando George Andres Viguier un gran musico, mentor y trompetista, kende a haci Aruba su di dos cas

Recordando George Andres Viguier un gran musico, mentor y trompetista, kende a haci Aruba su di dos cas

by Admin
0 comment 90 views

 

 

Oranjestad – George Andres Viguier un trompetista hopi keri na Aruba a bay laga nos.

Viguier, ta un fam di origen Frances y ta di su tata. George a nace na Buenos Aires, Argentina riba dia 16 di october 1928 y el a muri riba 14 di april 2021 na edad di 91 aña. Nomber di su tata ta Jorge Viguier y su mama Nora Agnes Viguier Sterlin. George a nace den centro di ciudad. Y despues nan a move pa diferente luga di Argentina. E ultimo luga tabata Olibos, e ta un districto pafo di un cuidad, specialmente uno recidencial di Buenos Aires. George tin dos ruman muhe. E ta e di tres di su rumannan, kiermen e ta esun mas jong. Nunca George a casa. E di: “M’a casa, pero pafo di misa, ha ha ha si boso a compronde. E novianan tabata mas bien, amiga.” Su tata tabata un violinista den su hubentud. 

          Segun George, e bida artistico no ta ningun rumbo, ni cambio den bida        

George ta George aki manera e ta y tabata, unda cu e bay.  

Bay lesa y toca bon, pone atencion, no molestia ningun hende y keda keto.

E bida artistico

Di chikito caba, nan tabata hib’e den e Plum Plaza den e tempo ey riba diadomingo. Eynan tabatin semper un banda municipal, cu George tabata gusta. Ya e tempo ey caba musica tabata den su sanger. E kier a dedica su mes na otro profesion di comercio, pero semper George tabata gusta e bandanan, anto e tabata mira y scucha nan y su tata a mustr’e tur e instrumentonan cu tabatin. Djey padilanti, semper George a gusta musica y di chikito e regalonan di cumpleaños tabata un instrumento, un harmonica of un clarinet di hunga. Despues George a bay na e profesornan di trompet. Un di e profesornan di trompet ainda ta na bida. E ta biba na Canada y e ta amigo di su colega Oscar Serrano. George a cuminsa skirbi algun areglito pa amigo- y bisiñanan. Nan tabata toca mas bien musica di Dixie Land y asina George a sigui studia. El a bay e tempo ey cerca e profesor cu awor ta na Canada. Despues el a studia mas seriamente cu e prome trompetista di e orkesta Nacional di Buenos Aires. Y e tabata toca tambe den e otro luga y teatronan clasico. Kende tabata un masha bon profesor y el a yuda George cumpra su prome trompet cu a remplasa un ‘corneta’ bieu cu e tabatin. George a sigui asina y cu su amigonan el a forma un orkesta chikito y nan tabata bay toca pa fiesta di cumpleaños y cosnan asina gratuitamente. Y specialmente musica di Dixie Land y algun otro cancion.

Desaroyo musical

George a bay cerca Bernardo Barbara, e cabayero cu sigur ainda ta na bida na Canada. Despues el a bay studia trompet cu e prome trompetista di Teatro Colon di Buenos Aires. El a yega di toca na Teatro Colon cu un grupo acompañando un 

 

Americano di color, un famoso cantante, pero tabata bibando na Francia. E no por corda su nomber. George tabata toca den ‘nightclub’ cu 21 aña di edad hunto cu un cabayero di Uruguay, kende tabata chauffeur di careda y a muri den un desgracia. E tabata masha bon cabayero y bon musico. E tabata tambe violinista y conductor. Den un ‘nichtclub’ nan tabata tocando cerca di cas, anto George tabata bay y bin anochi cu bais. Esaki tabata su prome trabou profesional cu musiconan profesional.

E parti Internacional

George a toca cu bandanan y cu e orkestanan. El a toca cu un grupo hopi conoci y masha bon gusta y asina el a bay Argentina, Chile, Colombia, Uruguay y hopi luga mas. Na Colombia e doño di e ‘nightclub’ tabata kier pa George keda, pasobra no solamente e tabata trompetista, sino e tabata un tiki ‘payasito’. Nan tabata gusta su manera di haci cosnan pret cu hende y e tabata un atraccion. Despues su mama a bira malo y su ruman muhe a pidie pa bolbe bek. George a toca na Argentina den varios luga. No tabatin ensayo. Si bo sa lesa musica, djis toca. Despues el a bolbe bek Aruba pa biba y el a toca cu gruponan local tambe y despues cu Oscar Serrano. Semper George tin recuerdonan bon di Aruba. 

Experiencia musical na Aruba

E prome banda tabata un grupo cu George a forma pa e famoso cantante di Calypso Lord Boxoe. George a trece dos alumno di dje, nan a pasa riba e musica, e areglo tabata hopi dificil. Sin miedo nan a toca fantastico. Boxoe a canta e miho Roadmarch y Calypso. Lord Boxoe tabata hopi simpatico, hopi bon hende y e tabata asina contento cu e banda, cu preparacion y di ensayo hunto cu George y e pianista. Sr. Provence kende ta tata di Rose-Marie a pidi George pa bay duna les na ‘Scol di Musica Rufo Wever’. George a haya esey fantastico, anto George a cuminsa desde e tempo ey di meneer Provence dunando les. Riba diadomingo cu e dos prome barconan grandi di turista esta Sta. Paula y Sta. Rosa, tabata na Aruba, George y otro musiconan tabata haya invitacion pa toca pa e pasaheronan di e barconan aki. Anto tabatin un steelband tambe ta toca. George a tende cu aki tin un mucha hombre cu kier pa e ta toca un tiki trompet, pasobra el a mira con George tabata toca den e show asin’ey. Si, jong y cu hopi gusto para na banda. E tabata Franklin Granadillo.

          Presentacion cu gruponan musical

‘La Nueva Fuerza’ di Vicente Kelly a trata George hopi bon. El a toca den ‘La Nueva Fuerza’ di 1983 te cu aña 1994. E tabata hopi contento hustamente, pasobra el a toca hunto cu Franklin Granadillo, un gran musico. Despues George a toca cu ‘Papito y su Doble Sabor’. E banda aki tambe a zona bon cayente. Ora cu George a toca cu e hendenan aki, e tabata sinti felicidad. E profesionalnan aki a trece hopi alegria p’e hendenan di Aruba y George a biaha varios biaha cu nan.

          

          

 

Un sugerencia pa futuro generacion

George ta sugeri pa e musico bira un profesional bon studia y pa e conoce su instrument hopi bon. Ademas bo mester tin talento, si bo no tin talento ta mas miho cu bo bay den musica pa amateur y djis toca bo guitara pa fiestanan den famia. Awor si bo ta bay den direccion profesional, miho bo studia musica cu dedicacion y si siña lesa musica.

George mes no a studia manera mester ta. E tabata studia si, pero e por a studia mas miho. Por ehemel, e por a studia harmonia, pero George no ta areglista. E ta un 

simpel tocado di trompet. E ta stima musica. Y tabata hopi stima pa su alumnonan.

????????????????????????????????????
????????????????????????????????????

 

Departamento di Cultura Aruba

Seccion di Investigacion y Documentacion.

November 2018

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio