Home Police Problema di famia cu a bay for di man, hopi destruccion na...

Problema di famia cu a bay for di man, hopi destruccion na e cas, un dama a wordo maltrata y un homber a keda deteni pa maltrato y destruccion

SHARE

Wayaca: Diaranson den careda di 11’or y 45 di mainta, presencia di polis a wordo pidi cu urgencia na un cas na Wayaca, pa un problema di famia cu tabata saliendo for di man.

Varios unidad di polis a bay mesora na e cas, na yegada enberdad for di pafo di e cas caba nan por a scucha discussionnan y gritamento basta fuerte. Casi tur bentana di cas a wordo destrui y tambe den e cas varios destruccion a wordo cometi.

Polis y recherche cu a yega prome na e cas a core bay paden pa evita mas problema, den e cas e polisnan a bin topa cu un dama herida y a pidi pa presencia di ambulance. Tambe nan a topa cu un homber, kende lo tabata e agressor, mesora e la keda detene y e polisnan a pidi pa un transportwagen.

Rapid Responder tambe a wordo pidi na e sitio, pa atende cu e victima y e homber cu tabata tin un herida na su man, esaki tabata sangrando. No tabata tin necesidad di transporta niun di dos pa hospital.

Na e cas a pidi pa presencia di departamento tecnico pa saca potret di e cantidad di destruccion cu a wordo cometi na e cas y e heridanan cu e victima a ricibi for di su agressor.

E agressor a wordo hiba cu transportwagen pa warda di polis. Presencia di slachtofferhulp a wordo pidi pa atende cu e victima.