Home » Jaime Trimon cu tabata abusa di muchanan ora di huiswerk condena na 5 aña di prison

Jaime Trimon cu tabata abusa di muchanan ora di huiswerk condena na 5 aña di prison

by Admin
0 comment 107 views

ORANJESTAD – Hof di Corte Superior, recientemente via video conference, a condena e homber T. na 5 aña di prison, mescos cu e sentencia di Corte den Promer Instancia na Juli 2020.

Aruba Native por a compronde cu T. mescos cu tabata e caso den Corte den Promer Instancia, ta para riba cu e no a abusa di e muchanan.

   Hof di Corte Superior, ta comparti punto di bista di Hues di Corte den Promer Instancia y ta haya legalmente proba cu T. a abusa di e dos muchanan menor di edad cu ta famia di su pareha. Durante 2 aña, T. tabata abusa di e muchanan bou di e pretexto cu e ta yuda nan cu huiswerk. 

   E sentencia ta mustra cu mester conclui cu no tabatin penetracion sexual sino cu dede.

   Hof a mustra cu aki ta trata di abuso di dos menor di edad den e mesun camber bao di e pretexto di ta yuda cu huiswerk. Hof ta haya T. culpable di a comete e delito di tabatin relacion cu muchanan bou 12 aña y a haci esaki mas biaha. Ta trata di hechonan grave cu a sosode durante hopi tempo den cas di wela di e muchanan.

Hof a tuma T. na malo di a abusa di e muchanan. Hof a mustra cu e muchanan mester a sinti nan mes sigur na cas di wela. Loke ta haci e caso mas grave ta e hecho cu e muchanan ta famia di T. Hof ta haya cu T. a abusa di e confianza cu e muchanan tin den T. Hof a confirma e sentencia di Corte den Promer Instancia y a condena T. na 5 aña di prison, kitando e tempo cu e ta sera den KIA.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio