Home » Auto a dal contra un muraya di cas, a kibra e meter di awa y a bolter

Auto a dal contra un muraya di cas, a kibra e meter di awa y a bolter

by Admin
0 comment 63 views

Bernhardstraat, San Nicolas: Diaranson pa mas o menos 3’or y mey di atardi, presencia di polis y ambulance a wordo pidi cu urgencia den Bernhardstraat pa un auto cu a dal contra un muraya di cas y a bolter.

Na yegada e agentenan a bin compronde cu e chauffeur pa un motibo of otro a perde control, e la baha caminda dal contra un muraya di cas, kibra un pida y e meter di awa, despues a bolter dilanti entrada di un otro cas. E habitantenan cu a scucha e zonido fuerte di e impacto a core sali pafo y a bin topa cu e auto gebolter den nan porta di cas y tambe den e impacto e la kibra un meter di awa. E chauffeur tabata levemente herida.

E agentenan na e sitio a pidi pa presencia di W.E.B. a drecha e meter di awa kibra y tambe un takelwagen pa kita e auto for di riba caminda.

Despues cu personal di ambulance a trata e chauffeur na e sitio a transporte pa hospital.

Polis a cera e caminda y te den careda di 5’or y mey, e la wordo habri bek pa trafico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio