Home » Dama transporta pa Hospital despues di a accidenta na Santa Marta

Dama transporta pa Hospital despues di a accidenta na Santa Marta

by Admin
0 comment 175 views

Santa Marta – Dialuna mainta algo prome cu 9’or polis a wordo pidi pazuid di e dam na Santa Marta. Eynan un Hyundai Accent lo a dal contra un palo di luz.

Un persona cu a mira kiko a pasa a bisa na prome instante lo ta trata di un cabayero, pero na yegada di polis a topa cu un dama drumi(benta) den e auto como chauffeur.

Na e banda robes di e auto por a mira cu e Accent a baha caminda rancando e spiel di e auto y di eynan e la keda na banda di caminda.

Polis a nota cu e dama ta halando rosea, pero ni cuanto nan a trata na lante e no tawata reacciona.

No a keda nada otro pa solicita pa un ambulance bin tira un bista, aunke cu visibelmente e no tawata mustra di a ricibi un of mas golpi.

A notifica departamento di trafico tambe pa presenta na e sitio.

E dama den e v-car despues di algun rato a “spierta”. Algun minuut despues ambulance a yega y paramediconan a bay atende cu e dama.

Despues di un evaluacion cortico a opta pa hiba e dama Hospital, unda lo mester bay haci un check up mas extenso.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio