Home » Studiantenan di Facultad di Hospitalidad y Turismo (FHTMS) ta invita pueblo di Aruba pa sostene eventonan special pa comunidad.

Studiantenan di Facultad di Hospitalidad y Turismo (FHTMS) ta invita pueblo di Aruba pa sostene eventonan special pa comunidad.

by Admin
0 comment 71 views

ORANJESTAD, Aruba – 17 april 2021. Studiantenan di Universidad di Aruba (UA) facultad di Hospitalidad y Turismo (FHTMS) como parti di nan curso di “Events Management” ta organisando ocho projecto pa nos comunidad den luna di april y mei. Mision di nos facultad ta pa prepara studiantenan cu e conocimiento y abilidad pa eherce e rol di lider den nos comunidad y pa ta conciudadanonan di caracter den e industria global di hospitalidad y turismo. 

E projecto di servicio comunitario ta un ehercicio cu ta permiti e ocho (8) team nan di cinco (3-4) studiante aplica e conocimiento acumula di e teoria pa planea, organisa, y ehecuta un evento special pa recauda fondo pa un instancia den nos comunidad. E meta di e projecto “Community Service Project: Special Fundraising Event” ta pa desaroya e conocimiento y abilidadnan di e studiantenan, pero mas aun motiva y involucra nan pa duna bek na nos comunidad. 

 

Den e auditorium di UA e gruponan a presenta nan idea / concepto na representantenan di Aruba CEDE Aruba, ECO DMS y miembronan di diferente instancianan cu nan lo yuda. Nan presentacion a inclui informacion di e instancia, motibo dikon a scohe esaki, tipo di evento, con lo mercadea e evento, recurso cu mester pa ehecuta (voluntario, cuminda, fondo, y mas). E meta tras di presentacion tawata pa nan ricibi feedback ariba nan evento y pidi sosten pa por ehecuta esaki. 

“Cu e projecto aki kier logra pa e studiantenan pone den practica locual cu nan a siña durante e semester. Organisa un evento no ta algo facil, ta rekeri abilidadnan manera flexibilidad, creatividad, originalidad, bista pa detaye, initiativa, maneho di tempo, comunicacion, resolucion di problema y mucho mas. Como meta adicional tin pa purba stimula mas voluntario pa nos comunidad.” Sra. Jo-Anne Croes docente di e curso ta subraya.

Nos facultad completo ta invita pueblo di Aruba pa bishita e diferente eventonan y sostene nos studiantenan cu ta trahando duro y di curason pa nos comunidad. 

 

 

April 23: 

Impact Café: School Edition at EPI organized for Heart Centered Leadership Foundation – Team Leader Cristian

April 23 & 24: 

Snack Box Sale for Donkey Sanctuary – Team Leader Jose

April 27: 

Workshop Virtual | Ban Cosecha cu Hof’i Bario Rancho! For Stichting Rancho – Team Leader Elena

May 1:

Snack Box Sale for Luna Foundation – Team Leader Elselyn

May 7:

Online Raffle for Fundacion Pa Nos Comunidad (FPNC) – Team Leader Jayen

May 8:

Online Gaming Event for Telefon pa Hubentud – Team Leader Kiwar

 

May 8 & 9:

Food & Toy Drive for Casa Cuna, Imeldahof & Centro Famia Criansa – Team Leader Michelle

 

May 9: 

Online Raffle for Fundacion Respetami – Team Leader Jilianne

 

Facultad di Hospitalidad y Turismo di Universidad di Aruba ta reconoce e contribucion unico y strategico di e industria di turismo pa e desaroyo di Aruba y Caribe. Pa mas informacion di nos programa por bishita nos na www.ua.aw of via facebook @UA.FHTMS

###

 

Pa mas informacion por tuma contacto cu:

Jo-Anne Croes

Faculty of Hospitality, Tourism and Management Studies

Telephone: +297-5262243 

Email: [email protected] 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio