Home Local Sr.Gaby Werleman y su casa ambos a keda deteni y transporta pa...

Sr.Gaby Werleman y su casa ambos a keda deteni y transporta pa e respectivo wardanan di polis

SHARE

Oranjestad – Dialuna den careda di 4’or informacion oficial a drenta cu ambos persona aresta mainta na nan cas na Piedra Plat a keda in verzekering gesteld, o sea nan a keda deteni.

Tanto Sr.Gaby Werleman y su casa ta wordo sospecha di tambe ta meti den caso Avestruz of manera ta wordo yama den boca di pueblo Tereno Gate.

Dos persona cu a wordo deteni siman pasa a ser laga liber, esta e dama di fama Richardson y tambe Sr. Franken pero mas sigur lo mester presenta den corte mas despues.

Diamars awor esta april 21 Sra. Leoncita Arends ta haci 7 dia cera, pues diamars of diaranson lo ta un dia crucial pa mira si Sra. Arends lo wordo laga liber y pendiente un caso den corte of Huez Comisario lo bisa cu e ta extende e detencion cu algun dia mas.

Pa awor Aruba ta den un expectativa di kiko tur y kendenan ta protagonista den e Caso Avestruz, cu ta uno cu lo bay den historia como un di e casonan grandi di corupcion.

Esaki ta sin conta cu ainda tin e rapport di RDA cu a keda cla algun siman pasa y cu manera nos a compronde tambe ta trata di sumanan grandi di placa cu a ser movi na maneranan no corecto.