Boegoeroei: Diadomingo algo prome cu 10’or di anochi, polis a wordo manda riba e caminda di Boegoeroei pa Bubali, pa un auto cu lo a perde control y a bolter varios biaha. Mesora a manda un patruya di polis na e sitio.
Enberdad nan a bin topa cu e auto, un Hyundai Tucson Blauw cu tabata gebolter canto di caminda y tabata tin hopi daño material. E chauffeur y niun ocupante tabata na e sitio. Polis a bin compronde cu e ocupantenan y e chauffeur di e auto, kendenan tabata algun hoben, mesora despues cu nan a bolter cu e auto, nan lo a sali for di e auto y a subi den un pickup di un compania conoci y a bay for di e sitio.
Mientras cu polis tabata haciendo investigacion na e sitio, un pareha a presenta y a splica polis cu ta nan yiu a bolter cu nan auto, e mama tabata hopi preocupa pa su yiu y a bisa polis cu e no ta worry cu e auto, paso e auto ta material, e ta hopi mas preocupa cu e salud di su yiu.
Mirando e impacto fuerte y con e auto a keda despues di a bolter varios biaha, e mayornan a dicidi di hiba nan yiu hospital pa un checkeo medico.
