Home Sports Big League Tey Bek! Resultadonan di prome weekend

Big League Tey Bek! Resultadonan di prome weekend

SHARE

 

 

 

Oranjestad, Aruba – Big League Tey Bek! E muchanan den categoria di Big League cu edad entre 16 – 19 aña porfin a wak accion den e weekend di 17-18 april. Fanatico nan cu a sigui e livestream y esnan staciona pafor di veld por a presencia cuater wega di bon baseball.

 

Tur 5 team a hunga den e weekend, y e energia cu por a sinti di e hungadornan, coachnan y tur presente tawata inigualabel, yen di animo y bon vibes. A mantene na tur protocol di DVG y IBISA pa un inicio di un temporada hopi dushi pa e hungadornan di e edad aki. 

 

Weganan di Big League pa e proximo 9 siman nan lo ta LIVE via e Facebook di Power Sports Aruba y Guia Deportivo of Baseball Aruba. Ademas lo por sigui tur wega “play by play” via e app di iScore Central y e link: http://bit.ly/ArubaBigLeague, danki na nos scorer principal Raul Gei. 

 

Tur resultado (box scores) lo ta disponibel riba e Facebook di Aruba Little League. Weganan lo sigui den e weekend di 24-25 april y e apertura oficial ta diasabra 24 di april.