Recientemente Fraccion di MEP a haci un bishita di trabao na IMSAN. Un hoya di proyecto pa Aruba y San Nicolas unda cu IMSAN a ser converti den un hospital na unda e pueblo di Aruba ta topa ekiponan cu tecnologianan hopi moderno manera ta e caso di radioterapia. IMSAN awo ta cla pa sigui cu nan plannan, pero sigur tabata un placer p’ami persona di por a experencia e oportunidad cu ta ser brinda na nos mesun yiunan di tera pa por percura pa ehecucion di tur servicio y proyecto na IMSAN y cu ta yena mi cu hopi orguyo.
Plan pa futuro
Algo hopi importante ta e vision di IMSAN pa sigui expande unda cu awo ta haciendo nan maximo esfuerso pa yega na un PET-scan unda cu esaki lo percura pa sigui eleva e calidad mas ainda y alaves ta crea e oportunidad di haci posibel cu por expande cuido tambe no solamente pa nos islanan ruman pero tambe pa otro islanan den nos region. Y sigur e plan aki ta conta cu sosten di Parlamento y tambe di Gobierno.
Posibilidad pa estudio na Aruba riba un nivel halto y acredita
Un di e puntonan importante ta e necesidad pa mas trahador local den ramo di enfermeria. Y den vision di IMSAN ta crea e posibilidad pa hunto cu gobierno por percura pa nos yiunan di tera por haya un nivel di estudio halto y cumpliendo cu e calidad exigi y unda nos yiunan di tera por studia y traha den nan propio pais. Y den esaki lo mester percura pa crea diferente specialisacion den ramo di enfermeria cu tin necesidad p’asina den tur nivel nos tin yiunan di tera por traha den cuido na Aruba.
Pues den un proximo gobernacion e ta un prioridad pa por percura pa nos yiunan di tera haya e oportunidad real di un educacion di nivel halto y acredita den nan propio pais y unda nos mesun yiunan di tera ta sigui eleva e calidad di cuido cu nos pueblo merece.