Home Police Dificil pa a haya un Dokter pa constata morto, homber(62) algun dia...

Dificil pa a haya un Dokter pa constata morto, homber(62) algun dia morto den cas na Sombre

SHARE

Sombre – Diadomingo mainta den careda di 9’or y mey polis a wordo pidi na un adres na Sombre, debi cu un persona lo no ta duna señal di bida.

Mesora un unidad di Santa Cruz a bay e dicho adres y berdad a yega y ta haya un hende homber no tawata mustra ningun señal di bida.

Mesora a avisa ambulance, pues a sigui e protocol.

Paramediconan cu a yega mesora a confirma loke ya e agentenan a mira.

E curpa di e persona ya tawata den un estado avansa di decomponsicion, na e momento eynan no por a bisa cuanto dia e tin morto, debi cu dokter no a yega.

Otro departamentonan manera bfto(departamento tecnico) y recherche a presenta y por a mira nan haciendo preguntanan tanto na e persona cu a descubri e curpa y tambe na yiunan muhe di e defunto.

Slachtofferhulp a atende cu e famia.

Autoridad a purba di tur manera pa a haya Dr. Texier(e ta e dokter encarga) pero sin ningun resultado ni maske cuanto a purba. Merdia(12or pasa) a bin haya Dr. Mungra (penshonado) pa por a constata morto. Lo tawata trata di un morto natural.

Famia di e fayecido mester a keda warda oranan largo pafo, sin cu polis por a haya un Dokter debi cu sea nan ta druk of no ta contesta nan cellular.