Home » Cumpliendo cu e vision pa tur ciudadano tin un hogar – GABINETE WEVER – CROES REALISANDO DIFERENTE PROYECTO DI VIVIENDA A TRAVES DI FCCA

Cumpliendo cu e vision pa tur ciudadano tin un hogar – GABINETE WEVER – CROES REALISANDO DIFERENTE PROYECTO DI VIVIENDA A TRAVES DI FCCA

by Admin
0 comment 83 views

 

Prome Minister sra. Evelyn Wever – Croes a wordo invita door di FCCA pa mira 7 diferente proyecto di vivienda den diferente districto rond Aruba. Minister di Labor, señor Glenbert Croes, tambe tawata presente na e recorido aki. Algun di e proyectonan ya a finalisa, por ehempel na Tanki Leendert y otronan ta den ehecucion manera na Rooi Bosal. 

 

E vision di Gabinete Wever – Croes, poniendo e ser humano central, ta inclui yuda tur ciudadano yega na nan cas. Y a traves di e proyectonan aki por bisa cu ta riba e bon caminda. A bishita e proyectonan na Wegkustbatterij (12 cas), Kiviti (71 cas), Isaac Wagemakerstraat (8 cas), Rooi Bosal (46 cas), Hato (8 cas), Tanki Leendert (36 cas). 

 

Ta importante pa mira con e proyectonan di FCCA ta wordo ricibi tambe den comunidad. Durante di e recorido Prome Minister tabatin e oportunidad pa combersa cu algun habitante cu ta hopi contento cu nan tin nan cas. Gobierno tambe ta contento cu a traves di e sosten cu ta duna FCCA, por logra esaki.

 

Pa conclui, Prome Minister a expresa cu apesar cu e Pandemia a stroba hopi cos, tin e speransa cu pronto lo por continua cu e trabounan. Pa esaki mester cooperacion di cada ciudadano di Pais Aruba, pa hunto logra cu tur hende por tin dak riba nan cabes.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio