Home » SCOL BASICO WASHINGTON TA DUNA UN DANKI DI CURASON NA E MINISTERIO DI BOLUNTARIO DI FREEWINDS PA NAN AYUDO DURANTE E ULTIMO 12 LUNANAN.

SCOL BASICO WASHINGTON TA DUNA UN DANKI DI CURASON NA E MINISTERIO DI BOLUNTARIO DI FREEWINDS PA NAN AYUDO DURANTE E ULTIMO 12 LUNANAN.

by Admin
0 comment 78 views

 

Desde comienso di e pandemia E ministerio di Boluntario di Freewinds a duna prioridad na desinfecta nos scolnan. Nan a desinfecta mas di 100 scol, no iun biaha so pero varios biaha y te awor e Ministerio di Boluntario ta sigi traha pa e seguridad di e staf y di e alumnonan.Un di e scolnan, Scol Básico Washington a saca un tiki tempo pa gradici e Ministerio di Boluntario di Freewinds.

E cabesante suplente di Scol Básico Washington, sra. Mirla de Cuba, a entrega personalmente na e port Captain di Freewinds, sr. Ken Weber,un danki  di e cabesante, staf y alumnonan di e scol. Nan a gradici pa e cuido cu Ministerio di Boluntario a mustra nan percurando cu nan scol a keda liber di Covid-19.

Srta. De Cuba a presenta na e Port Captain di Freewinds un cuadro traha na e scol mes. 

Sabiendo cu un ons di prevención t abal mas cu un ton di cura e Ministerio di Boluntariono solamente a desinfecta e scolnan pero tambe a entrega Stay Well pamfletanan y videos cu e maestronan por usa pa instruí mayornan y alumnonan riba e proceduranan correcto c uta necesario pa preveni cu nan ta bira malo.

E pamfletanan y videonan di Stay Well, cu  scolnan y henter nos isla  a haya na hulandes, spaño y ingles, ta bon ilustra y fácil pa lesa, hasiendo nan un parti esencial di educación pa studiante di tur edad.

E cabesante di Scol Básico Washington, srta. Sharine Curiel, a bisa lo siguiente di e Ministerio di Boluntario di Freewinds:” Mi kier a gradici Freewinds y e Ministerio di Boluntario pa e asistencia otorga na nos scol den forma di desinfecta nos scol  y provee material educativo , yudando pa mantene nos studiantenan y e staf sigur. Tambe dunando e mayornan e trankilidad cu scol ta hasiendo tur loke nan por. No solamente pa mi scol pero pa tur e scolnan rond di nos isla.”

Freewinds lo sigi contribui den e bataya contra Covid-19 dor di desinfecta, educa y entrena  te ora Aruba ta e lugar mas sigur na mundo.

 Pa asistencia di e Ministerio di Boluntario di Freewinds pa desinfecta bo lugar, of pa ricibi un seminario di prevención of un training  con pa desinfecta bo lugar di trabou of bo cas, por favor contact [email protected] of na signal +1-727-8104 of na cel 297 747-1613.

Pa haya información con bo por proteha bo mes y otronan,con bo por mantene bo cas y bo lugar di trabou sigur bishita e How to Stay Well Resource Center online na www.scientology.org/staywel na undo bo ta waak tur e pamfletanan y video y por download nan gratuitamente. Tur e material aki ta obtenibel na spaño, hulandes e ingles y 18 idioma mas.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio