Home » Partido MEP: ALVIN MOLINA TA SUBI RIBA E LISTA PRESTIGIOSO DI PARTIDO MEP

Partido MEP: ALVIN MOLINA TA SUBI RIBA E LISTA PRESTIGIOSO DI PARTIDO MEP

by Admin
0 comment 84 views

 

 

Bon bini Alvin.

 

Diabierna mainta, Partido MEP a lansa su di 2 candidato nobo riba cu ta e subi lista victorioso y prestigioso. Señor Alvin Molina di 45 aña. Señor Molina a nace y biba na San Nicolas y a studia na Nederlandse Politie Academie na Apeldoorn pa bira inspector di polis. Señor Molina den su prome discurso como candidato a expresa di ta sinti un gran passion pa su trabou na unda el a wordo forma pa sirbi nos comunidad como Polis. 

 

Señor Molina a eherce diferente funccion entre otro projectleider na Recherche Samenwerkingsteam (RST), unda a haci investigacionnan grandi hunto cu recherche di Hulanda. E tabata teamchef di e prome team di aresto di Aruba. Tambe e tabata hefe di districto San Nicolas y na e momento aki señor Molina ta hefe na districto Oranjestad. 

 

“Mi ta un persona cu ta stima hende, cu un gran fe den Dios, humilde, honesto, analitico y trahado. Un persona determina cu vision cu no ta give up lihe. Mi tin un caracter social cu un pasion grandi pa sirbi comunidad di Aruba y pa haci trabou boluntario”.

 

Bibando, studiando na Hulanda y na varios ocasion trahando cu Nationale Politie di Huland, señor Molina a siña conoce y biba e sistema Hulandes, esaki ta un ventaha, especialmente den e temporada cu nos ta aden awo, trahando mas cerca cu madre patria. 

 

“Nos tin cu demonstra na Hulanda cu no solamente nos tin e derecho, pero sigur tambe e capacidad pa nos ta doño den nos mesun cas. Cu Aruba ta un pais autonomo, trahando hunto cu otro paisnan den reino, compartiendo conocimento, experencia y ekipo”, señor Molina a expresa.

 

Pa nos tur seguridad ta importante, pa nos por biba na Aruba sin miedo, drumi na cas sin preocupacion, pa nos yiunan por desaroya na un manera sigur. Pa nos economia, turismo ta importante, pa nos turistanan, siguridad ta importante, esey ta e motibo primordial cu nan ta scoge net Aruba como nan destinacion. Mi ta desea di bay den politica pa cada dia por yuda aumenta e siguridad mas y mas. Pa logra esaki mi tin pensa pa enfoka riba servicio, colaboracion y husticia. Servicio, di gobierno na su departamentonan, di hefe di departamento pa nan coleganan, di ambtenaar na pueblo. Colaboracion, entre departamentonan di gobierno, sector publico y priva, Aruba y reino. Poniendo tur esey riba e balance di husticia, traha pa hende ricibi loke nan merece, na un manera transparente y integro.

 

Mi ta sigur cu si MEP wordo reeligi, y cu sra Evelyn Wever-Croes como nos MinPres, nos por sigui traha riba siguridad di Aruba. MEP ta un partido cu ta lucha contra corupcion, contra inhusticia y cu ta kere den transparencia.

 

Danki na e ekipo dinamico di MEP pa e caluroso welcome cu bosonan a duna mi, mi ta looking forward pa traha cu bosonan na bienestar di nos pais. Un danki special na mi team, the A-team, señora Terry y directiva di San Nicolas.

 

Lider di MEP y Prome Minister di nos pais, Evelyn Wever-Croes, den nomber di Partido MEP, a yama Alvin Molina bon bini na nos fila di MEP. Cu bo nos ta avansa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio