Home Local Sr. Karl Welch, Vice Presidente Quanten Consortium Aruba LLC (QCA) “MI...

Sr. Karl Welch, Vice Presidente Quanten Consortium Aruba LLC (QCA) “MI TA HOPI AGRADECIDO NA E OPORTUNIDAD PA CONTRIBUI POSITIVAMENTE NA ARUBA”

SHARE

Representantenan di Quanten Consortium Aruba LLC (QCA) ta na Aruba pa sigui negociacionnan cu Refineria di Aruba (RdA). Vice Presidente sr. Karl Welch a splica cu e consorsio a wordo crea specificamente pa tuma e oportunidad pa e refeneria over. Cu miembronan sr. Segun Thomas y Jeff Myers, QCA tin experiencia den refineria, crudo, y e aspectonan financiero y tecnologico. 

 

Sr. Welch a aplica cu e ta hopi importante pa nan por haci uzo di e tecnologia cu nan a traha cu ne den ultimo tempo. Y pa crea un oportunidad cu e refineria na Aruba cu basicamente no ta iguala ningun otro refineria. Lo tin oportunidad pa crea menos ‘carbon footprint’, oportunidad pa trabou y mas. Pues a base di e experiencia di QCA, por tin hopi bon oportunidad pa tin efecto positivo pa Aruba su desaroyo economico. “Esaki ta importante pami tambe como cu mi ta biniendo Aruba frecuentemente desde aña 1987,” sr. Welch a remarca.

 

Pa locual ta e relacion entre Refineria di Aruba (RdA) y Quanten, sr. Welch a splica cu tin hopi bon relacion cu RdA. Esaki ta importante como cu RdA conoce e refineria y p’esey nan sa e posibilidadnan y oportunidadnan cu e refineria por tin. 

 

“Nos ta sinti nos bendiciona y agradecido pa tin e oportunidad aki na Aruba pa contribui positivamente na e isla, tambe cu e acceptacion pa por haci e trabounan posibel,” sr. Welch a termina bisando.